بلاول ہاؤس کے ارد گرد موجود 40 سے زیادہ گھر اور پلازے کے اصل مالک آصف زرداری ہیں

معروف صحافی نے آصف علی زرداری کی بے نامی جائیدادوں سے متعلق اہم انکشاف کر دیا

معروف صحافی نے اہم انکشاف کرتے ہوئے کہا ہے کہ بلاول ہاؤس کے ارد گرد موجود 40 سے زیادہ گھر اور پلازیں بے نامی ہیں جن کے اصل مالک آصف زرداری ہیں۔تفصیلات کے مطابق عارف حمید بھٹی معروف صحافی عارف حمید بھٹی کا کہنا ہے کہ بلاول ہاؤس کے اردگرد موجود چالیس سے زائد گھر اور پلازے بے نامی ہیں جن پر بلاول ہاؤس اے ڈی مجید نے قبضہ کیا اور اسے بے نامی پر لیتے تھے۔

لیکن ذرائع کے مطابق ان کے اصل مالک آصف علی زرداری ہیں جو بلاول ہاؤس کے قریب 40 سے زائد گھروں اور پلازوں کے مالک ہیں۔اس کے علاوہ بلیو روڈ پر موجود پلازوں کے بیوروکریٹس اور سیاستدانوں کی ملکیت ہونے کا سراغ لگا لیا گیا ہے۔خیال رہے گذشتہ روز فیڈرل بورڈ آف ریونیو(ایف بی آر) ایمنسٹی سکیم کے لئے مقررہ مہلت ختم ہوتے ہی بے نامی جائیدادوں کے خلاف کاروائی کے پہلے روز اولپنڈی میںمسلم لیگ ن کے مرکزی رہنما سینیٹر چوہدری تنویراحمد خان کی6ہزار کنال مبینہ بے نامی اراضی ضبط کرلی تھی۔

ایف بی آر نے یہ کاروائی بے نامی ٹرانزکشن ایکٹ 2017کے تحت کی جس میں پوٹھوہار ٹائون راولپنڈی کے موضع راجڑ میں 1خاتون سمیت6مختلف افراد کے نام 6ہزار کنال اراضی رکھی گئی تھی ۔اس ضمن میں ذرائع کے مطابق ایف بی آر کے پاس بے نامی جائیداد رکھنے والوں کا مکمل ڈیٹا موجود ہے اورلاہور، اسلام آباد، کراچی فیصل آباد،اور ملتان میں بے نامی جائیداد رکھنے والوں کی تفصیلات حاصل کر لی گئی ہیں۔

اسی حوالے سے وفاقی وزیر سائنس و ٹیکنالوجی فواد چوہدری نے کہا ہے کہ بے نامی جائیدادوں کیخلاف ایکشن کا آغاز ہو گیا ہے۔بدھ کو اپنے ایک ٹویٹ میں کہا ہے کہ بے نامی جائیدادوں کیخلاف ایکشن کا آغاز ہو گیا ہے۔ حکومت نے بے نامی داروں کو جائیدادیں ظاہر کرنے کیلئے موقع دیا تھا ان لوگوں نے سمجھا کہ یہ معمول کی کارروائی ہے۔ انہوں نے کہا کہ وزیراعظم سے آج صبح میری ملاقات ہوئی، وزیراعظم بے نامی داروں کیخلاف کارروائی میں سنجیدہ ہیں۔ یہ بات انتہائی اطمینان بخش ہے کہ دیگر وزراء اعظم کے برعکس عمران خان اپنے وعدے پر قائم رہتے ہیں۔

امریکا نے پاکستان کی جانب سے کالعدم قرار دی جانے والی بی ایل اے کو دہشت گرد تنظیم قرار دے دیا

پاکستان کو مطلوب اور بھارت کا حمایت یافتہ براہمداغ بگٹی کالعدم بلوچستان لبریشن آرمی کا سربراہ ہے اور متعدد دہشت گرد حملوں میں ملوث رہا

امریکا نےپاکستان کی جانب سے کالعدم قرار دی جانے والی بی ایل اے کو دہشت گرد تنظیم قرار دے دیا، پاکستان کو مطلوب اور بھارت کا حمایت یافتہبراہمداغ بگٹی کالعدم بلوچستان لبریشن آرمی کا سربراہ ہے اور متعدد دہشت گرد حملوں میں ملوث رہا۔ تفصیلات کے مطابق بھارت کو دھچکا پہنچا ہے اور پاکستان نے زبردست سفارتی کامیابی حاصل کر لی ہے۔

میڈیا رپورٹس کے مطابق امریکا نے پاکستان کا مطالبہ قبول کرتے ہوئے دہشت کاروائیوں میں ملوث کالعدم بلوچستان لبریشن آرمی کو دہشت گرد تنظیم قرار دے دیا۔ بلوچستان لبریشن آرمی بھارت کی حمایت سے براہمداغ بگٹی اور حربیار مری کی سربراہی میں بنائی گئی تھی۔ بلوچستان لبریشن آرمی گزشتہ کئی برس سے بلوچستان میں عام شہریوں اور سیکورٹی فورسز پر دہشت گرد حملے کرنے میں ملوث رہی ہے۔

پاکستان کی جانب سے بلوچستان لبریشن آرمی کو عالمی دہشت گرد تنظیم قرار دلوانے کی کوشش کی جا رہی تھی جو اب کامیابی سے ہمکنار ہوئی ہے۔ امریکا کے ٹریژری ڈیپارٹمنٹ نے بی ایل اے کو دہشت گرد تنظیم قرار دینے کا اعلان کیا۔ جبکہ امریکی حکومت نے آج ہی بی ایل اے کا نام فارن ایسٹس کنٹرول کی فہرست میں شامل کیا ہے۔ یوں آج سے بلوچستان لبریشن آرمی امریکا میں ایک دہشت گرد تنظیم تصور کی جائے گی۔

جبکہ امریکا کے اتحادی ممالک میں بھی بلوچستان لبریشن آرمی ایک دہشت گرد تنظیم کے طور پر ہی جانی جائے گی۔ امریکا کے اس فیصلے کے بعدبراہمداغ بگٹی اور حربیار مری اب امریکا سمیت بیشتر ممالک میں پناہ حاصل نہیں کر پائیں گے۔ جبکہ اس تنظیم کی تمام سرگرمیوں پر اب سے پابندی عائد ہوگی۔ امریکا نے بلوچستان لبریشن آرمی کے علاوہ جند اللہ کو بھی دہشت گرد تنظیموں کی فہرست میں شامل کر لیا ہے۔ امریکا کے اس فیصلے کوپاکستان کی زبردست کامیابی قرار دیا جا رہا ہے۔ جبکہ امریکا کا یہ فیصلہ ایسے وقت میں سامنے آیا ہے، جبکہ چند ہی روز بعد وزیراعظم عمران خان امریکا کا دورہ کرنے والے ہیں۔

رانا ثناء اللہ کی گرفتاری سے حکومت کا کوئی لینا دینا نہیں: وزیراعظم

وزیراعظم عمران خان کا کہنا ہے کہ رانا ثناء اللہ کی گرفتاری سے حکومت کا کوئی لینا دینا نہیں۔

وزیراعظم عمران خان کی زیرصدارت وفاقی کابینہ کا اجلاس ہوا جس میں کئی اہم امور زیر بحث آئے۔

ذرائع کے مطابق اجلاس میں وزیراعظم عمران خان نے مسلم لیگ (ن) کے رہنما رانا ثناء اللہ کی گرفتاری کو قانونی معاملہ قرار دیا۔

ہیروئن برآمدگی کا الزام: رانا ثناءاللہ 14 روزہ جوڈیشل ریمانڈ پر جیل منتقل

ذرائع نے بتایا کہ وزیراعظم عمران خان کا کہنا تھا کہ رانا ثناء اللہ کی گرفتاری سے حکومت کا کوئی لینا دینا نہیں، ان کی گرفتاری سیاسی نہیں قانونی معاملہ ہے اور کوئی بھی قانون سے بالاتر نہیں۔

یاد رہے کہ گزشتہ روز پاکستان مسلم لیگ (ن) پنجاب کے صدر و رکن قومی اسمبلی رانا ثناء اللہ کو لاہور جاتے ہوئے اینٹی نارکوٹکس فورس نے سکھیکی کے مقام سے منشیات اسمگلنگ کیس میں گرفتار کیا تھا۔

مسلم لیگ (ن) کی نائب صدر مریم نواز نے رانا ثناء اللہ کی گرفتاری میں وزیراعظم عمران خان پر براہ راست ملوث ہونے کا الزام لگایا تھا۔

ذرائع کا کہنا ہے کہ حکومت نے بے نامی جائیدادوں کی ضبطگی کل رات 12 کے بعد سے شروع کرنے کا فیصلہ کیا ہے۔

کابینہ اجلاس کے بعد پریس کانفرنس کرتے ہوئے وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان کا کہنا تھا کہ وفاقی کابینہ کا 13 نکاتی ایجنڈا تھا، جس پر تفصیل سے غور کیا گیا اور اہم فیصلوں کی منظوری دی گئی۔

انہوں نے کہا کہ حج پالیسی 2019 عوام کےمفاد میں بنائی گئی ہے، وزیراعظم نے حاجیوں کی سہولیات کیلئے ہر ممکن اقدامات کی ہدیات کی ہے، اس حج کو اسکینڈل فری حج بنانا ہمارا مقصد ہے، اسی لیے حاجیوں کی جیب کو تحفظ دینے کیلئے دیانتدار وزیر کا انتخاب کیا گیا۔

ان کا کہنا ہے کہ پہلی بار اسلام آباد ائیرپورٹ سے امیگریشن کے بعد عازمین کی روانگی ہوگی اور وزیراعظم پہلی حج فلائٹ کا افتتاح کریں گے۔

وزیراعظم کی معاون خصوصی کے مطابق وزیراعظم نے مختلف وزارتوں میں ملازمین کو ایک سے زیادہ اعزازیہ دینے کی روش پر اظہار برہمی کیا، انہوں نے کہا ہے کہ سرکاری ملازمین کو اعزازیہ کارکردگی کی بنیاد پر ملنا چاہیے۔

ان کا کہنا تھا کہ 40 ہزار کے پرائز بانڈ کو ختم کرنے کا طریقہ کار وضع کیا جارہا ہے، 40 ہزار کا پرائز بانڈ لینے والے کو رجسٹریشن کرانا ہوگی، بانڈ کو کیش کرانے والے کو رقم اس کے اکاؤنٹ میں ملے گی۔

اسٹیل مل کے حوالے سے فردوس عاشق اعوان نے کہا کہ سابقہ ادوار کی ناقص پالیسیوں سے پاکستان اسٹیل کو شدید نقصان پہنچا، پاکستان اسٹیل کی نجکاری نہیں کی جائے گی، اسٹیل ملز قومی اثاثہ ہے جسے پبلک پرائیویٹ پارٹنرشپ سے چلایا جائے گا، پاکستان اسٹیل ملز چلے گی تو ملک میں ترقی کا پہیہ چلے گا۔

معاون خصوصی کے مطابق وزیراعظم نے ہدایت کی ہے کہ ملکی ہوائی اڈوں پر جنگی بنیادوں پر سہولیات فراہم کی جائیں، ائیر پورٹس پر مسافروں کے ساتھ عزت واحترام سے پیش آیا جائے۔

ان کا کہنا ہے کہ وزیراعظم عمران خان نے سی ڈی اے کی کارکردگی پر عدم اطمینان کا اظہار کیا ہے اور اسلام آباد کا نیا ماسٹر پلان ایک ماہ میں تیار کرنے کی ہدایت کی ہے۔

انہوں نے بتایا کہ کابینہ کے 885 فیصلوں میں سے 789 پر عملدرآمد ہوچکا ہے، کابینہ نے زبیر گیلانی کو چیئرمین سرمایہ کاری بورڈ، اسلام آباد کے لیے سینیئر سٹیزن بل 2019 اور نیشنل کمیشن برائے حقوق اطفال کے قیام کی منظوری دی ہے۔

فردوس عاشق اعوان کے مطابق کابینہ نے وزیر مملکت حماد اظہر کو وفاقی وزیر کا عہدہ ملنے پر مبارکباد دی۔

پاک روس تعاون سے علاقائی اقتصادی خوشحالی آئے گی، آرمی چیف 

جنرل قمرجاوید باجوہ سے روسی بری فوج کے کمانڈرکی ملاقات،دوطرفہ دفاعی تعاون اور پیشہ ورانہ امور پر تبادلہ خیال، روس پاکستان کے ساتھ مضبوط تعلقات کا خواہاں ہے، دنیا پاکستان کی قربانیوں کو تسلیم کرے،جنرل اولیگ سالیکوف کی ملاقات میں جنرل قمرجاوید باجوہ سے گفتگو

چیف آف آرمی سٹاف جنرل قمر جاوید باجوہ سے روسی بری فوج کے کمانڈر ان چیف جنرل اولیگ سالیکوف نے ملاقات کی، جس میں باہمی دلچسپی کے اموراوردوطرفہ دفاعی تعاون بڑھانے پر اتفاق کیا گیا۔ پاک فوج کے شعبہ تعلقات عامہ (آئی ایس پی آر) کے مطابق روس کی گراؤنڈ فورسز کے کمانڈر ان چیف جنرل اولیگ سالیکوف نے آج جی ایچ کیو کا دورہ کیا۔

جہاں پر روسی بری فوج کے کمانڈر ان چیف کوپاک فوج کے چاک وچوبند دستے نے گارڈ آف آنرز پیش کیا۔جنرل اولیگ نے یادگار شہداء پر بھی پھول چڑھائے۔اس موقع پر جنرل اولیگ سالیکوف نے آرمی چیف جنرل قمرجاوید باجوہ سے ملاقات کی۔ملاقات میں دونوں ملکوں کی افواج میں تعاون اور رابطوں کو فروغ دینے پر بات چیت کی گئی۔

ملاقات میں پاکستان اور روس میں سکیورٹی اورفورسز میں تربیت بڑھانے کیلئے تعاون بڑھانے پراتفاق کیا گیا۔

مشیر اطلاعاتفردوس عاشق اعوان نے رنا ثناء اللہ کی گرفتاری سے متعلق کہا ہے کہ اس گرفاتری سے حکومتے کا کوئی لینا دینا نہیں ہے۔ انہوں نے کہا کہ اے این ایف خودمختار ادارہ ہے اور انہیں مصدقہ اطلاعات ملی تھیں جس پر انہوں نے کارروائی کی۔ فردوس عاشق اعوان نے کہا کہ مصدقہ اطلاعات تھیں کہ سینئیر سیاستدان منشیات سمگلنگ میں ملوث ہیں اور ان کی گاڑی مین ہائی ویلیو منشیات موجود ہیں جس پر اے این ایف نے ناکہ لگا کرگاڑی روکی اور ملزمان کو پکڑا۔

مشیراطلاعات کے مطابق رانا ثناء اللہ کی گاڑی سے 15سے 20کلو ہیروئن برآمد ہوئی جس کی قیمت 15سے20کروڑ ہے۔ انہوں نے بتایا کہ ہیومن کیرئیرز کے ذریعے یہ منشات دنیا بھر میں سمگل کی جاتی ہیں۔

مشیراطلاعات نے بتایا کہ رانا ثناء اللہ کو اے این ایف کے انٹیلی جنس سیل کی معلومات پر پکڑا گیا۔ نئے پاکستان مین قانون سب کے لیے ایک ہے اور کوئی بھی شخص قانون اور پاکستان سے بالاتر نہیں ہے۔

اس سے پہلے کہا جا رہا تھا کہ رانا ثناء اللہ کو اپنی وزارت کے دورانمنشیات کی اسمگلنگ میں ملوث ہونے کے الزام پر گرفتار کیا گیا، رانا ثناء اللہبطوروزیرسرکاری گاڑی منشیات کی اسمگلنگ کیلیے استعمال کرتے تھے، رانا ثناء کی گاڑی ان کی ہدایت پرمنشیات اسمگلنگ کی سہولت کیلیےاستعمال کی جاتی تھی۔ مزید بتایا گیا تھا کہ تین ماہ قبل اے این ایف کے اسپیشل انویسٹی گیشن سیل نے 6 سے 7 گرفتاریاں کی تھیں جن سے تحقیقات کے دوران یہ بات سامنے آئی کہ یہ لوگ رانا ثناء اللہ کے ساتھ مل کر کام کرتے تھے اور پھر ان شواہد اور ان کی کچھ کال ریکارڈنگ کی بنیاد پر بخاری نامی شخص کو حراست میں لیا گیا، ان پر الزام ہے کہ یہ لوگ کالعدم تنظیموں کے لیے فنڈ جمع کرتے تھے۔

اب مشیر اطلاعات فردوس عاشق اعوان نے کہا ہے کہ مصدقہ اطلاعات تھیں کہ سینئیر سیاستدان منشیات سمگلنگ میں ملوث ہیں اور ان کی گاڑی مین ہائی ویلیو منشیات موجود ہیں جس پر اے این ایف نے ناکہ لگا کرگاڑی روکی اور ملزمان کو پکڑا۔

’’ملک بچائو افغانی بھگائو‘‘ سوشل میڈیا پر پرجوش اور ولولہ سے مہم کا آغاز کردیا گیا ہے ، مصلحت پسندوں نے بھی گزشتہ روز کرکٹ واقعہ پر اپنی آراء دینا شروع کردی ہیں، پاکستانی قوم نے بیدار ہو کر ان دنوں سوشل میڈیا پر ’’ملک بچائو افغانی بھگائو‘‘ مہم کا آغاز کرتے ہوئے نوجوان نسل کا لہو گرمانا شروع کردیا ہے۔

40سال کی مہمان نوازی کرکے دیکھ لی اب بغیر ویزہ کوئی افغان ملک میں نہیں آنا چاہیے ، دلچسپ امر یہ ہے کہ پسماندہ علاقوں سے چلنے والی تحریک میں لاکھوں افراد نے شیئرز اور لائیکس کرنا شروع کردیا ہے ۔دوسری جانب مصلحت پسند لوگ جو کہ میانہ روی اور عقیدتوں کے بندھن میں بندھے تھے انہوں نے بھی افغان اور پاکستان کرکٹ میچ کے بعد پیدا ہونیوالے حالات کو مدنظر رکھتے ہوئے افغانیوں کو نمک حرام تک کہنا شروع کردیا ہے اور سوشل میڈیا پر چلنے والی تحریک کا حصہ بن گئے ہیں۔

زخمی ہونے کے بعد میچ کھیلنے یا نہ کھیلنے کا فیصلہ مجھ پر چھوڑ دیا گیا تھا، وہاب ریاض

جب میں بیٹنگ کے لیے گیا تو بہت تکلیف میں تھا لیکن کپتان نے مجھے حوصلہ دیا، سٹار کرکٹر کی میڈیا سے گفتگو

پاکستانی فاسٹ باوٴلر وہاب ریاض نےافغانستان سے پاکستان کے میچ جیتنے کے بعد میڈیا سے گفتگو کرتے ہوئے کہا ہے کہ زخمیہونے کے بعد میچ کھیلنے یا نہ کھیلنے کا فیصلہ مجھ پر چھوڑ دیا گیا تھا۔ انہوں نے کہا کہ مجھ سے پوچھا گیا کہ کتنی تکلیف برداشت کر دسکتے ہو، میں نے کہا کہ باوٴلنگ کر سکتا ہوں لیکن بیٹنگ اور فیلڈنگ کا پتا نہیں جس پر کپتان نے کہا کہ تم باوٴلنگ میں سو فیصد دے سکتے ہو،چلو کھیلو۔وہاب ریاض نے کہا کہ کپتان سرفراز احمد کی اس بات سے مجھے حوصلہ ملا، میں نے سب کچھ اللہ پہ چھوڑ دیا تھا۔ انہوں نے بتایا کہ جب میں بیٹنگ کے لیے گیا تو بہت تکلیف میں تھا ۔ سٹار کرکٹر نے کہا کہ اللہ کا شکر ہے کہ ہم میچ جیت گئے،۔ یاد رہے کہ لیفٹ آرم فاسٹ باﺅلر وہاب ریاضدائیں ہاتھ پر چوٹ لگنے کے باوجود افغانستان کے میچ میں شریک ہوئے،وہ ہاتھ پر پٹی باندھ کر فیلڈنگ کررہے ہیں۔ذرائع کے مطابق فاسٹ باﺅلر حسن علی اورنوجوان محمد حسنین کی موجودگی میں ٹیم مینجمنٹ نے وہاب کو کھلانے کا خطرہ مول لیا اوروہاب ریاض نے ہمت دکھاتے ہوئے تکلیف کے باوجود میچ کھیلنے پر رضامندی ظاہر کی،میچ کے بعد ان کی انجری کا جائزہ لیا جائے گا اور توقع ظاہر کی جارہی ہے وہ پانچ جولائی کو بنگلہ دیش کے میچ میں شریک ہوں۔ پاکستانی ٹیم کے ترجمان رضا راشد کا کہنا ہے کہ وہاب ریاض کو ورلڈ کپ میچ سے قبل فیلڈنگ کرتے ہوئے دائیں ہاتھ کی چھوٹی انگلی کے نیچے چوٹ لگی جس سے سوجن ہوگئی،وہابریاض گزشتہ چند دن سے سخت تکلیف میں رہے ہیں اور انہوں نے درد ختم کرنے والی دوائیں استعمال کرکے اور پٹی باند ھ کر میچ میں شرکت کی،دو سال بعدپاکستان ٹیم میں آنے والے وہاب ریاض ٹورنامنٹ میں اچھی فارم میں ہیں،چوں کہ وہ بائیں ہاتھ سے باﺅلنگ کرتے ہیں اس لئے انہیں میچ کھلانے کا خطرہ مول لیا گیا۔ترجمان کا کہنا ہے کہ وہاب ریاض کو افغانستان کے میچ کے بعد چھ دن آرام ملے گا، امید ہے کہ وہ مکمل فٹ ہوجائیں گے۔

پاکستان ورلڈ کپ جیت گیا تو تمام کھلاڑیوں کو تاحیات مفت بجلی دیں گے: ڈاکٹر اختر ملک

محکمہ توانائی کھلاڑیوں کے گھروں کی چھتوں پر سولر پینلز لگا کر کلین انرجی مہیا کرے گا:وزیر توانائی پنجاب

صوبائی وزیر توانائی ڈاکٹر اختر ملک نے ورلڈ کپ میں پاکستان کی جیت کی صورت میں تمام کھلاڑیوں کو تاحیات مفتبجلی دینے کا اعلان کر دیا۔”اردو پوائنٹ“ سے خصوصی گفتگو کرتے ہوئے پنجابکے وزیر توانائی ڈاکٹر اختر ملک نے کہا کہ قومی کرکٹ ٹیم کے کھلاڑی ورلڈ کپ میں جم کر کھیلیں۔ اورپاکستان کا نام روشن کریں، اگر انہوں نے ایسا کیا اور جیت گئے تو ان کے گھروں کو ہم روشن کر دیں گے۔وزیر توانائی نے کہا کہ اگر پاکستان ورلڈ کپ جیت جاتا ہے تو میچ کھیلنے والے تمام کھلاڑیوں کوتاحیات مفت بجلی فراہم کی جائے گی۔ محکمہ توانائی پنجاب کھلاڑیوں کے گھروں کی چھتوں پر سولر پینلز لگا کر کلین انرجی مہیا کرے گا۔ واضح رہے کہ قومی کرکٹٹیم نے اب تک 7 میچوں میں سے تین میں کامیابی اور تین میں ناکامی کا سامنا کیا ہے ،پوائنٹس ٹیبل کے اعتبار سے پاکستانی ٹیم چھٹے نمبر پر ہے۔خیال رہے کہ کرکٹ ورلڈ کپ 2019ءکا باقاعدہ آغاز 30 مئی سے ہوا جس میں ہر ٹیم اپنے 9 میچز کھیلے گی اور سیمی فائنل تک رسائی حاصل کرنے کی کوشش کرے گی۔ دیگر ٹیموں کی طرح پاکستان کو بھی 9 ون ڈے میچز کھیلنے ہیں جب کہ قومی ٹیم کو اچھے رن ریٹ کے ساتھ زیادہ سے زیادہ میچز میں فتح حاصل کرنا ہوگی تاکہ سیمی فائنل کے لیے کوالیفائی کر سکے۔

برطانوی شاہی جوڑا شہزادہ ولیم اور کیٹ میڈلٹن رواں سال پاکستان کا دورہ کریں گے

شاہی جواڑا خزں میں ایک ہفتے کے قیام کے لیے پاکستان آئے گا، دورہ دونوں ممالک کے تعلقات کی اہمیت کا آئینہ دار ہو گا: وزارتِ خارجہ

وزارتِ خارجہ کے مطابق برطانوی شاہی جوڑا شہزادہ ولیم اور کیٹ میڈلٹن رواں سال پاکستان کا دورہ کریں گے۔کینگسٹن پیلس کے حوالے سے میڈیا میں بھی خبر آئی ہے کہ برطانوی شاہی جوڑا شہزادہ ولیم اور کیٹ میڈلٹن رواں سال پاکستان کا دورہ کریں گے، دورہ برطانیہ کے دفتر خارجہ اوردولت مشترکہ دفتر کی درخواست پر کیا جائے گا۔کینگسٹن پیلس کے مطابق شاہی جوڑے کا دورہ پاکستان رواں سال موسم خزاں میں ہوگا۔یہ دورہ ایک ہفتے کا ہو گا اور دونوں ممالک کے تعلقات کی اہمیت کا آئینہ دار ہو گا۔ خیال رہے کہبرطانوی ملکہ ایلزبتھ نے اپنے پوتے شہزادہ ولیم کو برطانیہ کے نئے بادشاہ کے طور پر منتخب کرلیا۔ میڈیا رپورٹ کے مطابق برطانوی ملکہ ایلزبتھ دوئم کو برطانیہ کی بادشاہت کرتے ہوئے 67 سال گزر چکے ہیں اور وہ زندہ رہنے تک تخت پر براجمان رہیں گی ۔ملکہ ایلزبتھ کے بعد برطانیہ کی تخت نشینی ان کے بیٹے 70 سالہ شہزادہ چارلس کے پاس آنی ہے لیکن ملکہ ایلزبتھ نے برطانیہکے نئے بادشاہ کے طور پر اپنے بیٹے کی بجائے پوتے کو منتخب کیا ہے۔ملکہ ایلزبتھ ’ڈیمینشیا‘ میں مبتلا ہوچکی ہیں اپنی بیماری کے باعث وہ مزید زیادہ عرصے تک خدمات سر انجام نہیں دینا چاہتیں۔میڈیا رپورٹ کے مطابق شاہی محل کے قریبی ذرائع کا حوالہ دعویٰ کیا گیا ہے کہ ملکہ برطانیہ نے تخت نشینی کی منتقلی کیلئے ایک خفیہ تقریب منعقد کی تھی جس میں انہوں نے اپنے پوتے کو بادشاہ کے طور پر منتخب کرلیا ہے ۔ذرائع نے دعویٰ کیا کہ ملکہ برطانیہ بیٹے شہزادے چارلس سے زیادہ پوتے شہزادہ ولیم کو پسند کرتی ہیں اور انہیں یقین ہے کہ وہ اپنے والد سے زیادہ احسن طریقے سے بادشاہت کی ذمہ داریاں نبھائیں گے۔ دوسری جانب میڈیا رپورٹس کے مطابق ملکہ الزبتھ ، کیٹ، شہزادہ ہیری، شہزادہ چارلس سمیت شاہی خاندان کے تمام افراد کئی غیر ملکی زبانیں با آسانی بول اور سمجھ سکتے ہیں۔لیکن ان میں شہزادہ ولیم واحد ہیں جو ایک یا دو نہیں بلکہ پانچ غیر ملکی زبانیں بولنا جانتے ہیں اور ناصرف بول سکتے ہیں بلکہ ان پانچوں زبانوں میں وہ مہارت بھی رکھتے ہیں،اسی لیے شہزادہ ولیم اور کیٹ کے بچوں شارلٹ اور جارج نے بھی ابھی سے غیر ملکی زبانیں سکھانا شروع کردیں۔

سٹینڈز کی صفائی، بھارتی میڈیا میں بھی پاکستانی شائقین کے رویے کی تعریف

پاکستانی شائقین میچ کے بعد بھی گراﺅنڈ پر رکے رہے اور ایجبسٹن کے سٹینڈز کی صفائی کی

بھارتی میڈیا میں بھی پاکستانی شائقین کے اچھے رویے کی تعریف ہونے لگی۔انگلینڈ میں جاری کرکٹ کے سب سے بڑے میلے میں جہاں پاکستان کی ٹیم اپنی کارکردگی کے باعث توجہ کا مرکز بنی ہوئی ہے وہیں اس ٹیم کے شائقین بھی اپنی دلچسپ حرکتوں کے باعث سوشل میڈیا پر زیر بحث رہتے ہیں۔بھارتی میڈیا کے مطابق بدھ کے روز کھیلے گئے پاکنیوزی لینڈ میچ کے اختتام پر قومی ٹیم کے شائقین میدان میں موجود نشستوں کی صفائی ستھرائی کرتے ہوئے دکھائی دیے جس کی ویڈیو بھی سوشل میڈیا پر وائرل ہو گئی۔جہاں میچ میں جیت کی خوشی پر اکثر شائقین گلیوں میں نکل کر جشن منانے لگ جاتے ہیں وہیں اس مرتبہ پاکستانی ٹیم کے مداحوں نے اپنے اس عمل سے لوگوں کے لئے ایک مثال قائم کر دی ہے۔

دوسری جانب بھارتی میڈیا میں بھی پاکستانی شائقین کی جانب سے اس اچھے اقدام کی تعریف کی گئی ہے۔یاد رہے افریقین فٹ بال کپ کے دوران مصرکے مداحوں نے بھی فٹ بال کے میدان میں رکھی گئی نشستوں کی صفائی ستھرائی میں خوب حصہ لیا جسے بہت پذیرائی ملی تھی۔فیفا ورلڈ کپ 2018 ءکے دوران جاپان اور سنیگال کی ٹیموں کے شائقین بھی میدان کی نشستوں کی صفائی ستھرائی میں خوب سرگرم رہے تھے۔واضح رہے عالمی کپ میں مایوس کن آغاز کے بعد پاکستان کی ٹیم جیت کی راہ پر چل پڑی ہے۔قومی ٹیم نے پہلے جنوبی افریقہ اور اس کے بعد نیوزی لینڈ کو شکست دے کر سیمی فائنل تک رسائی کے امکانات روشن کر دیئے ہیں۔